Heimskulegt

Það er alveg sama hvort mönnum finnst rétt af landeigendum að rukka inn á Geysissvæðið eða ekki að það er það heimskulegasta sem menn geta gert að tala það niður fyrir framan ferðamennina... Jafnvel að hvetja þá til að sniðganga svæðið eða eitthvað þess háttar.. Þar með er verið að virðisrýra ferðina og gera það að einhverjum hápunkti að það þurfti að borga 600 kr eða tæpar 4 evrur til að skoða einn af fáum goshverum í heiminum.  Að fólk sem hefur atvinnu af ferðaþjónustu svo sem fararstjórar og flutningafyrirtæki skulu falla í þá grifju er með ólíkindum... Þeir eiga að stuðla að því með öllum ráðum að upplifunin verði sem jákvæðust en ekki tala hana niður þótt þeim mislíki eitthvað.. Það á að nota aðrar aðferðir til að koma því til skila en að nota ferðamennina...  Þar fyrir utan er fullt af rökum sem mæla með því að rukkað sé fyrir aðgang að svæðinu og ætti að vera auðvelt að rökstyðja það fyrir ferðamönnum svo ekki skyggi á upplifunina..

Um tvö þúsund greiddu gjaldið

Af hverju ekki bílastæðagjöld

Enn furða ég mig á því að Íslendingar þurfi alltaf að finna upp hjólið.. Það er löngu búið að finna upp bílastæða kassa sem eru til þess fallnir að innheimta bílastæðagjöld... Enginn passi ekkert vesen.

Allir útlendingar þekkja þetta og reyndar furða sig á því að ekkert kosti að leggja bílum út um allt land.

 

Fresta gjaldtöku við Geysi

Nú þarf að fara varlega

Ætli margir átti sig á þeim raunveruleika gæti skapast við óheftan tollfrjálsan innflutning á landbúnaðarvörum.  Ég amk sé í anda íslenska innflytjendur sópa inn allskyns ódýru ruslfæði í fallegum umbúðum til að maka krókinn sinn.  Við búum við ótrúleg gæði í landbúnaðarafurðum og fiskframleiðslu á íslandi og vona að okkur beri gæfa til að viðhalda þeim gæðum og helst efla í framtíðinni…..Það mun skila okkur mun meira á endanum.. Ísland á að verða þekkt fyrir matvælagæði og verður það ásamt náttúrunni mikið aðdráttarafl fyrir ferðamenn framtíðar

Tæp 50% fylgjandi tollfrjálsum innflutningi

Af hverju ekki bílastæðagjöld?

Ég hef ferðast heilmikið um evrópu og allstaðar þar sem ég kem eru fín bílastæði og gert ráð fyrir bílastæðagjöldum.  1 - 2 kassar sem taka kort eða peninga og miði settur í bílrúðuna..málið dautt.

Þarf ekkert starfsfólk og fólk hefur það ekki á tilfinninguna að verið sé að rukka fyrir náttúruna 

 Ég skil ekki af hverju það er ekki í umræðunni hér á landi að nota slíka gjaldtöku.....Þetta þekkist út um allan heim og allir vanir þessu.  Við þurfum ekki alltaf að finna upp hjólið. 

„Ryðjast fram með látum“

Alveg sammála Birgittu

Ég get ekki verið meira sammála Birgittu í þessu máli.  Það er alveg með ólíkindum að hægt sé að eyða tíma og peningum í svona hringavitleysu....og það dag eftir dag.  Ég vil að fjölmiðlar hætti alveg að taka þátt í svona vitleysu að flytja fréttir af þingi sem hagar sér svona með þessum hætti...Sjálfur hef ég ekki hugmynd um það hvort rétt sé að ganga inn í sambandið enda hef ég engar forsendur til að meta það.

En það er alveg kristaltært að ríkisstjórnin hefur engan áhuga og þannig verður það næstu 4 ár amk...punktur og basta.. 

„Þetta er bara skrípaleikur“

Fjöregg sem sumir stjórnmálamenn vilja gambla með

Það er ánægjulegt að ferðamönnum fjölgi og hjálpi þar með við endurreisn landsins.  

Þessi fjölgun hjálpar líka ferðaþjónustunni a.m.k á suðvestur horninu að byggjast upp og verða heils árs atvinnugrein.  En það er skammt á milli feigs og ófeigs og verðlagning hefur gríðarlega mikil áhrif á val ferðamanna hvert fara eigi eins og sjá má á fækkun ferðamanna sem fara til Noregs undanfarin ár.

Ég hugsa til þess með hryllingi ef stjórnvöld hefðu farið þá leið að hækka VSK á gistingu eins og til stóð og þar með tekið gríðarlega áhættu á kostnað ferðaþjónustufyrirtækja ef illa færi..Reyndar á kostnað landsins alls í öflun gjaldeyris sem er okkur svo verðmætur..

Þegar flestir ákveða að fara í frí og eru óbundnir af staðarvali hefur verð fyrir flug og gistingu lang mesta vægið.  Menn nota netið til að leita að hagstæðustu verðum fyrir þessa tvo liði......Hvað annað kostar í landinu kemur svo bara í ljós.... Þetta er amk það sem við fjölskyldan hugsum um þegar við bókum ferðir út.

Ég vona að stjórnmálamenn hætti að nota ferðaþjónustuna og þau gjöld sem "töpuðust" þegar hætt var við hækkun á VSK sem lið í áróðursstríði milli sín því það yrði ekkert grín ef menn ákveða að fara í það veðmál og það tapaðist. 

Ferðaþjónustan er grein sem býr við erlenda samkeppni fyrst og fremst og við verðum að horfa til annarra landa þegar við verðleggjum okkur... Eins og marg oft hefur komið fram eru flest lönd með VSK á gistingu í lægsta þrepi og okkur bar gæfa til þess að gera það líka.. Síðan þá og aðallega eftir hrun hefur ferðamönnum fjölgað mikið.  Ég held að ég geti fullyrt að verðlag hefur mest áhrif á þessa fjölgun og það er mjög auðvelt að snúa þessari þróun við ef óvarlega er farið.

 Hafa stjórnmálamenn leyfi til að gambla þannig með þetta fjöregg ???? 

´ 

Ferðaþjónustan heldur hagvextinum uppi

Gagnrýni vantar

Mér finnst vanta alla gagnrýni kringum handboltann og landsliðið á Íslandi. Ég vísa þá til þeirrar umræðu sem myndast kringum handboltann í Danmörku.  Þar er miklu meiri gagnrýni á liðsval og frammistöðu leikmanna og þjálfara í leikjum....  Ég saknaði t.d. mjög að sjá ekki meira til Gunnars Steins sem valkost á móti Ólaf Bjarka.  Hann fékk allt of  fáar mínútur til að hægt sé að meta þær og að mínu viti alveg tilgangslaust að prófa hlutina bara til hálfs.  Í Danmörku skapast fjörug umræða kringum liðið og þjálfarann og er það örugglega stór partur í vinsældum íþróttarinnar þar......  M.ö.o.. það vantar meira kjöt á gagnrýnina sem gerir hana skemmtilegri og áhugaverðari....Hún verður samt að vera málefnaleg og alls ekki fara út í skítkast... Þar er kannski til of mikils ætlast af Íslendingum...???

Átta marka tap fyrir Þjóðverjum

Froðupeningar

Mér finnst það ferlegt þegar menn gera lítið úr töpuðum peningum með þeim orðum að það hafi bara verið froðupeningar og ekkert staðið á bakvið þá......  Því margt af fólki sem vélaði með froðupeninga tókst að ná út "beinhörðum" peningum með arðgreiðslum og það jafnvel án þess að hafa átt eina einustu krónu af froðupeningum,,,,,því það var allt tekið að láni með veði í froðubréfum.

 

Kröfur vegna peninga sem „voru aldrei til“